Baixa intensidade

Estas dúas fotografías foron tomadas na Coruña hai algunhas semanas. Desplazámonos ata alí por mor da nosa participación en Outonarte 09: Irmos de escaparates. Dita mostra colectiva é a segunda edición dunha proposta anual que en palabras da concelleira María Xosé Bravo procura "normalizar socialmente a existencia da arte máis contemporánea, máis anovadora, máis experimental, co obxectivo de que o público se abra á creación máis actual". Nesta ocasión, o comisario Nilo Casares propuxo o amplo contexto da cidade e da arte urbana como fío argumental da exposición.

Acción de baixa intensidade I é o nome da peza que ata o 1 de novembro de 2009 todavía estará exposta no Pazo da Cultura Salvador de Madariaga. Este edificio da céntrica Rúa Durán Loriga -tamén coñecida polos coruñeses como Wall Street pola concentración de sedes bancarias que se da nesa zona- alberga ademáis da sala de exposicións, a sede do Centro Galego de Artes da Imaxe, o Instituto José Cornide de Estudos Coruñeses, o Arquivo Histórico Municipal e a Biblioteca Municipal Infantil-Xuvenil do Concello.

Nesa mesma rúa e tres portais máis adiante tomamos estas fotografías, determinantes á hora de comprendermos a natureza da nosa proposta. Un veciño sae do seu portal e dase conta de que están a repartir as novas guías telefónicas do 2010. Un ano máis chega o outono e chegan as páxinas brancas, amarelas, cudecús e cupóns de desconto para pizzas a domicilio. Pero non recordamos se hai que devolvelas a cambio das novas, gardalas no armariño da entrada ou mandalas a reciclar.

Fortuítamente recoñecemos o ciclo temporal do directorio telefónico para confundirnos con él. Servímonos dese happening masivo que é o reparto de guías, e sen facer moito ruído reconstruímos o arquivo da cidade ao que non tivemos acceso.

Concepto

Segundo a Wikipedia, as guerras de baixa intensidade involucran loitas prolongadas de principios e ideoloxías que se desenvolven a través dunha combinación de medios políticos, económicos, de información e militares. Poderiamos pensar que sempre estamos en guerra, o que sería tan natural como pensar que sempre estamos desenvolvendo accións culturais. O concepto de baixa intensidade utilízase tamén para falar de exercicios corporais que axudan a incrementar a resistencia física e o fondo. Trátase de movementos periódicos e de ritmo lento, que se confunden en ocasións cos movementos cotiás. Conseguen unha efectividade visible só a moi largo prazo e rexeitan o impacto do explosivo. A constancia, a capacidade de adaptación e a camuflaxe no discurso da normalidade, así como a multiplicidade de linguaxes e obxetivos fan da cultura de baixa intensidade unha das modalidades de creación máis violentas.

Baixa intensidade é un proxecto no que se mesturan arte e pensamento na busca dun posicionamento crítico con repecto ás políticas culturais, que arrinca a súa actividade coa lectura Cultura de baixa intensidade no II Simposio Internacional Poéticas de Resistencia (Santiago de Compostela, 2008). Este blogue é a ferramenta de seguemento e discusión deste proxecto.

Víctor E. Pérez e Daniel López Abel

son licenciados en Historia da Arte pola USC; Máster en Arte, Museoloxía e Crítica Contemporáneas e Posgraduado en Arte e Sociedade: Intervencións no Espazo Público respectivamente. Como colectivo traballan desde a teoría e a crítica de arte ata o comisariado de exposicións e a produción artística multidisciplinar. A súa liña de intereses atópase na intersección entre arte, política e educación, a arte pública e as prácticas colaborativas. Teñen traballado co Centro Galego de Arte Contemporánea, a Universidade de Santiago de Compostela ou o Consello da Cultura Galega. Forman parte do equipo de xestión de Baleiro. Canle de produción.

Baixa intensidade

Acción de baixa intensidade I

Pazo da Cultura Salvador de Madariaga, A Coruña.

Rúa Durán Loriga. A Coruña.

Rúa de Sar/Avenida de Lugo. Santiago de Compostela.

Concepto

Etiquetas

Outros proxectos

Víctor E. Pérez e Daniel López Abel